曉暉花園 (Scenic View) 嘅「智慧回收機」 已經安裝好，9月10日已經開始運作。 希望居民可以好好利用「智慧回收機 」回收紙包飲品盒。記得乾淨回收！
擺放地點: 九龍牛池灣豐盛街63號曉暉花園近第2座走廊 (非公開收集點)
漾日居 (The Waterfront) 嘅「智慧回收機」 已經安裝好，預計下星期可以開始運作，現時顯示為暫停服務。 希望居民可以好好利用「智慧回收機 」回收紙包飲品盒。記得乾淨回收！
擺放地點: 九龍站柯士甸道西1號 漾日居 第6座及第7座卸貨區回收角 (非公開收集點)
由2021年7月12日起，每個紙包飲品盒可以換取10倍積分，只要你用我哋嘅智慧回收機去回收1個紙包飲品盒，即可獲得10分。換言之，現金回贈由現時每個$0.01提升至每個 $0.1，只要你回收10個紙包飲品盒，就可以獲得$1嘅現金回贈!
希望大家可以繼續支持我哋嘅紙包飲品盒回收計劃，回收前，記得要先洗乾淨。只要大家都做多一步，好多有用嘅資源就可以再重新用，唔使白白送去堆填區。
今日我哋去咗德蘭中學舉行回收講座，同超過一百位同學仔分享咗紙包飲品盒回收嘅現況，各位同學仔都好專心聽我哋嘅介紹。
講座完咗之後各位同學仔都好積極咁用我哋部智慧回收機，學習點樣實踐乾淨回收，希望各位同學仔繼續積極使用放置喺學校嘅智慧回收機，支持紙包飲品盒回收。
我哋喺6月17日、7月7同8日喺調景嶺擺放回收站，回收已清洗的紙包飲品盒，同時亦向公眾提供有關項目及回收紙包飲品盒嘅資訊。
我哋喺6月16、30日同7月7日喺牛頭角道(近貴新樓)擺放回收站，向公眾提供有關項目及回收紙包飲品盒嘅資訊，亦都有市民拎咗已清洗乾淨嘅紙包盒比我哋回收。
我哋去咗保良局唐乃勤初中書院舉行回收講座，同過百位初中同學仔分享咗香港回收行業同回收紙包飲品盒嘅現況，亦都簡單介紹咗我哋現時放置喺唔同學校同屋苑嘅紙包飲品盒智慧回收機係點樣運作，同學仔都好專心聽我哋準備嘅講座。
希望各位同學仔會繼續積極回收紙包飲品盒，亦會向身邊嘅朋友仔同屋企人分享有關回收紙包飲品盒嘅信息。
我哋喺6月12、19同26日喺君臨天下保安室對出平台設立推廣攤位，向居民示範如何使用智慧回收機，亦有提供項目相關資訊。
君臨天下（The Harbourside） 嘅「智慧回收機」 已經啟用。 希望居民可以好好利用「智慧回收機 」回收紙包飲品盒，記得乾淨回收！
擺放地點: 君臨天下保安室外 (非公開收集點)
Newer Posts