【紙包飲品盒回收】

多謝大家支持紙包飲品盒回收！！我哋好開心收到好多有心人嘅意見。最常見喺問點解唔將紙包飲品盒壓扁，再放入智慧回收機，壓扁唔單止可以慳位，仲易啲儲存。

其實我哋建議唔壓扁喺有原因，因為喺屋苑測試期間，好多居民反映 掃描條碼失敗，原因係壓扁之後，條碼嘅掃描面積會減半，雖然唔會影響掃描，但如果條碼對唔正，就會出現無法掃描訊息。

其實只要對準條碼閱讀器，壓扁嘅紙包飲品盒一樣無問題。